"Bölgədə sülh naminə dialoqu dəstəkləyirik” - Gürcüstanın Baş naziri

“Gürcüstan bölgədə dayanıqlı sülh və sabitliyin təmin olunmasına töhfə verəcək dialoqu dəstəkləyir”.

Qarabaginfo.az xəbər verir ki, bunu Gürcüstanın Baş naziri İrakli Qaribaşvili ölkədə rəsmi səfərdə olan Ermənistan polisinin rəhbəri, general-mayor Vaqe Kazaryanla görüşdə deyib.

O, Gürcüstanın iki qonşu ölkə arasında vasitəçilik istiqamətində fəal əməkdaşlığa hazırlığını ifadə edib.

Müzakirələr zamanı Azərbaycanla Ermənistan arasında bu ilin iyununda əldə olunmuş humanitar razılaşmada Gürcüstanın hökumət başçısının uğurlu vasitəçiliyinə toxunulub.

Tərəflər iki ölkə arasında əməkdaşlıq məsələlərini də nəzərdən keçiriblər.