Bakıda 18 yaşlı qızın intiharı ilə bağlı pornoqrafik materialları yayma maddəsi ilə cinayət işi açılıb
29-11-2021, 17:15. Yazar: Admin
Prokurorluq Yasamal rayonunda noyabrın 27-də 18 yaşlı qızın intihar etməsi barədə məlumat yayıb.
Yasamal rayon prokurorluğundan Qarabaginfo.az-a verilən məlumatda bildirilib ki, bəzi kütləvi informasiya vasitələri və sosial media səhifələrində paytaxtın Yasamal rayon sakini 2003-cü il təvəllüdlü Fidan Nəftəliyevanın hündürmərtəbəli yaşayış binasından özünü ataraq intihar etməsi barədə məlumatlar yayılıb.
Bildiririk ki, noyabrın 27-si saat 15 radələrində Fidan Nəftəliyevanın yaşadığı binanın 10-cu mərtəbəsindən özünü ataraq intihar etməsi barədə Yasamal rayon prokurorluğuna məlumat daxil olub.
Faktla bağlı rayon prokurorluğunda Cinayət Məcəlləsinin 125 (özünü öldürmə həddinə çatdırma) və 242-ci (pornoqrafik materialları və ya əşyaları qanunsuz yayma) maddələri ilə cinayət işi başlanıb.
Hazırda iş üzrə istintaq tədbirləri davam etdirilir.
Geri dön