DataLife Engine > Yazdırılabilir versiyon > Şamaxıda baş verən zəlzələlər Bakıda da hiss olunub

"Pirquludan 20 km cənubda Şamaxı ərazisində zəlzələnin dərinliyi, orta gücdə olması böyük əraziləri əhatə etdi. Hətta Bakıda çoxmərtəbəli binalarda da hiss olunub".

Bunu Qarabaginfo.az-a Respublika Seysmoloji Xidmət Mərkəzinin direktoru Qurban Yetirmişli deyib. O bildirib ki, avtoşoklar davam edir, bir neçəsi qeydə alınıb:

"Xırda təkanlar olmalıdır ki, enerji boşalması getsin və fon səviyyəsinə gəlsin. Daha güclü zəlzələnin olacağına inanmıram. Çünki 5.1, 4.1 , sonra 2.5 və 2 bal gücündə zəlzələlər müəyyən qədər enerji boşalmasını təmin edib. Yəni katastrofik dağıdıcı təkanları olacağına inanmıram".

Qeyd edək ki, noyabrın 20-də ölkə ərazisində iki zəlzələ qeydə alınıb. Zəlzələlər 3-5 bal gücündə hiss olunub.