Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin baş direktoru jurnalistlərlə növbəti dəfə görüş keçirəcək.

Qarabaginfo.az-ın “Azəriqaz”a istinadən verdiyi məlumata görə, "Azəriqaz”ın inzibati binasında növbəti “Açıq qapı” aksiyası 19 noyabr saat 11:00-da başlayacaq.

Bütün media mənsublarının üzünə açıq olacaq bu aksiya "Facebook" sosial şəbəkəsi üzərindən canlı yayımlanacaq. Hər bir media qurumu bu tədbirə dəvətlidir.

Ünvanlanan sualları "Azəriqaz" İstehsalat Birliyinin baş direktoru Ruslan Əliyev cavablandıracaq.