Dövlət Universitetinin tələbəsi dəm qazından boğuldu

Astarada 18 yaşlı tələbə dəm qazından zəhərlənərək vəfat edib.

"Qarabaginfo" xəbər verir ki, 2000- ci il təvəllüdlü, Astara rayon sakini İbrahimzadə Leyla İlşat qızı hamamda çimərkən dəm qazından zəhərlənib. 

Lənkəran Dövlət Universitetinin tələbəsi olan L. İbrahimzadə ötən gün bacısı  Roza İbrahimzadənin evinə gedib. Bu zaman bədbəxt hadisə baş verib.  

Rayon prokurorluğunun əməkdaşları tərəfindən əməliyyat-istintaq qrupunun üzvləri ilə birlikdə hadisə yerinə baxış keçirilib. Meyitin müayinə olunması üçün ekspertiza təyin edilib. 

Faktla bağlı rayon prokurorluğunda araşdırma aparılır.

 Allah rəhmət eləsin!