Ərdoğana salam olsun!- Mirmehdi Rəsuldan yeni şeir

Qarabaginfo.az şair Mirmehdi Rəsulun "Ərdoğana salam olsun! şeirini təqdim edir!

Al nurunu, dər günəşdən,

Səhər-səhər tər günəşdən,

Qurd yuvası Ərgünəşdən,

Ərdoğana salam olsun!

Zirvəsi ağ qar daşından,

Dost daşından, yar daşından,

İlham kimi qardaşından,

Ərdoğana salam olsun!

Xan Arazın qırağından,

O tayından, bu tayından,

Azad Turan torpağından,

Ərdoğana salam olsun !

İlham adlı komandanım,

Bu torpağa qurban canım,

Dar günündə Alp Arslanım,

Ərdoğana salam olsun!

Sər igidə, sər kişiyə

Nər oğula, nər kişiyə,

Mirmehdidən ər kişiyə,

Ərdoğana salam olsun!