Ana Sayfa > Karusel / Cəmiyyət > Azərbaycanda ilk dəfə Zəfər Tibb Simpoziumu keçiriləcək
Azərbaycanda ilk dəfə Zəfər Tibb Simpoziumu keçiriləcək23-10-2021, 12:55. Yazar: Admin |
Azərbaycanda ilk dəfə keçirlən Zəfər Tibb Simpoziumu tibb tariximiz üçün maraqlı və əhəmiyyətli hadisədir. Simpozium Səhiyyə Nazirliyi, Diasporla İş üzrə Dövlət Komitəsi və Almaniya-Azərbaycan Radioloji və Neyroradioloji Cəmiyyətinin təşkilatçılığı və xüsusi dəstəyi ilə keçiriləcək. Komitədən Qarabaqinfo.az-a bildirilib ki, Zəfər Tibb Simpoziumunda Almaniya modeli nümunəsində müasir serebrovaskulyar mərkəzin təşkilinin əhəmiyyəti, insult mərkəzlərinin təşkili və radiologiya sahəsindəki ən müasir təcrübələrdən söhbət açılacaq. Tədbirdə Almaniyadan gələn qonaqların müəllifi olduğu ən son elmi yeniliklər iştirakçıların və ictimaiyyətin diqqətinə çatdırılacaq. Bohum Universitet Klinikasının şöbə müdiri, tibb elmləri doktoru Volker Mausun əməliyyat texnikasında etdiyi son yeniliklər və Münhen Klinikasının Radiologiya va Neyroradiologiya Institutunun direktoru, professor Anastasios Mpotsarisin beyin anevrizmalarının damardaxili müalicəsində etdiyi ən son yeniliklər barədə məlumat veriləcək. Simpozium oktyabrın 28-dən noyabrın 1-dək Bakı, Gəncə və Göygöl şəhərlərində keçiriləcək. Bu simpozium Prezident İlham Əliyevin “Bizim ən böyük resursumuz insanların savadıdır. Öz imkanlarımızdan səmərəli istifadə edərək, maddi kapitalı insan kapitalına çevirməliyik və bunu edirik”, “Bu gün dünyada mövcud olan və fəallaşan Azərbaycan icmaları ölkəmizə də dəstəkdir” kimi fikirlərinin təsdiqidir Geri dön |