DataLife Engine > Yazdırılabilir versiyon > Səhiyyə Nazirliyi: Gəncədəki partlayışda hələ ki 1 ölən, 1 yaralanan var

Bu gün səhər saatlarında Gəncə şəhərinin Kəpəz rayonunda dördmərtəbəli yaşayış binasında partlayışda ölən və yaralananlar var.

"Qarabaginfo" Səhiyyə Nazirliyinin mətbuat xidmətinin əməkdaşı Səfayə Əhmədovanın "Modern.az"a verdiyi məlumata istinadən bildirir ki, hadisə yerinə 6 təcili tibbi yardım briqadası cəlb edilib:

“Bu saatadək bir nəfərin meyiti dağıntılar arasından çıxarılıb. Daha bir nəfər yaralı halda Gəncə Hərbi Hospitalına yerləşdirilib. Yaralı anlaqlı vəziyyətdə olub, özünü yaxşı hiss etdiyini deyib”.

S.Əhmədova hazırda ərazidə xilasetmə işlərinin davam etdirildiyini qeyd edib.