Tərtər rayonunda "27 sentyabr - Anım günü" qeyd edilib.

Qarabaqinfo.az-nın yerli bürosunun xəbərinə görə, Tərtər sakinləri rayonda yerləşən "Tərtər Şəhidləri" abidə kompleksinin önünə toplaşıblar.

Mərasim iştirakçıları Vətən uğrunda canından keçmiş şəhidlərin xatəsini bir dəqiqəlik sükutla anıb, Dövlət himni səsləndirilib.

Tədbirdə Şəhid valideynləri, qazilər və rayon rəsmiləri çıxış edərək 44 günlük zəfər savaşından söhbət açıblar.

Sonda mərasim iştirakçıları Şəhidlərin xatirəsinə ucaldılmış abidəni ziyarət edərək gül dəstələri düzüblər.