ABŞ-ın Merilend Universitetinin alimləri mutasiyaya uğramış koronavirusun hava yolu ilə daha yaxşı ötürüldüyü qənaətinə gəliblər. Bu tədqiqatların nəticələri "Clinical Infectious Diseases" nəşrində yer alıb. Alimlər müxtəlif SARS-CoV-2 ilə 49 yoluxma halı üzərində müşahidə aparıblar. Bütün xəstələrdə xəstəlik asimptomatik və ya yüngül simptomlarla keçib. Delta və alfa ştammlarına yoluxan insanlarda isə bunun əksini görüblər.
Alimlərin fikrincə, delta alfadan daha yoluxucudur, və yeni infeksiyalar hava yolu ilə ötürüldüyünə görə tibbi maskaların virusun yayılma riskini 50% azaltdığını təsdiqləyir. Buna görə də yoluxmamaq üçün nəinki peyvənd olunmaq, həm də fərdi qoruyucu vasitələrdən istifadə etməyə davam etmək və mütləq şəkildə otaqları tez-tez havalandırmaq lazımdır.
Qeyd edək ki, Ümumdünya Səhiyyə Təşkilatı (ÜST) 4 SARS-CoV-2 mutasiyasını təhlükə dərəcəsinə görə bu cür sadalayıb: alfa (Böyük Britaniya), beta (Cənubi Afrika), qamma (Braziliya) və delta ştamları.
İlk dəfə Hindistanda tapılan delta ştamı son aylarda Rusiya da daxil olmaqla, əksər ölkələrdə dominantlıq edir.(virtualaz)