Yaponiyada “Çansu” qasırğası ilə bağlı xəbərdarlıq edilib, 33 uçuş ləğv olunub
18-09-2021, 08:08. Yazar: Admin
Yaponiyanın cənub-qərbində cümə günündən şənbə gününə keçən gecə meydana gələn “Çansu” qasırğası ilə bağlı xəbərdarlıq edilib.
Qarabaginfo.az “Kyodo” agentliyinə istinadən xəbər verir ki, qasırğa nəticəsində azı 5 nəfər yaralanıb.
Yerli aviaşirkətlər ümumilikdə 33 daxili təyyarə reysini ləğv edib. 7 min evin elektrik enerjisiz qaldığı bildirilir.
Tropik fırtına Nara əyalətinin qərbindən şərq hissəsinə doğru hərəkət edir. Küləyin sürəti saatda 30 metrə çatır.
Proqnozlara görə, Yaponiyanın cənub-qərb və mərkəzi bölgələrində gün ərzində 300 mm-ə qədər yağıntı düşə bilər. Bununla əlaqədar olaraq, meteoroloqlar torpaq sürüşmələri və su anbarlarında suyun səviyyəsinin qalxması barədə xəbərdarlıq ediblər.(Apa)
Geri dön