Bakıda təcili tibbi yardım maşını qəzaya düşüb, xəsarət alan var
14-09-2021, 22:09. Yazar: Admin
Bakıda xəsarətlə nəticələnən yol-nəqliyyat hadisəsi baş verib. Qarabaginfo.az-ın məlumatına görə, hadisə Nəsimi rayonunda qeydə alınıb.
Təcili və Təxirəsalınmaz Tibbi Yardım Stansiyasının 9 saylı Bölməsinin təcili tibbi yardım maşını çağırışa gedərkən digər avtomobillə toqquşub. Qəza zamanı tibb bacısı, 1966-cı il təvəllüdlü Əhmədli Aybəniz Qələndər qızı xəsarət alıb. Yaralı digər təcili yardım maşınının köməkliyi ilə xəstəxanaya çatdırılıb. Müayinə zamanı ona sağ mil sümüyünün yerdəyişən sınığı və bədənin müxtəlif dərəcəli əziyi diaqnozları qoyulub.
Hadisənin təfərrüatı araşdırılır.
Geri dön