Prezidentin sabiq köməkçisi Əli Həsənov təhdid olunduğunu, şantaj edildiyini deyir.

Qarabaginfo.az xəbər verir ki, bununla bağlı məlumatı Ə.Həsənov Tvitter hesabında paylaşıb. 

Bildirib ki, o, gizli çəkilən fotosu ilə şantaj edilir:

“Dünəndən nə zamansa tualetdə mənim gizli şəkildə çəkilmiş və böyür-başı müxtəlif erotik videolarla bəzədilmiş video görüntülərimi yaymamaq üçün bəzi ünvanlardan ciddi təhdid sifarişləri alıram. Bu haqda əvvəlcədən aidiyyəti qurumlara xəbər vermişəm. Bu bir şəbəkə mafiyasının işidir və lazımi anda öz cəzasını alacaqdır”.

Qeyd edək ki, Əli Həsənov 1995-ci ildən Prezident Administrasiyasının ictimai-siyasi məsələlər şöbəsinə rəhbərlik edib. 2015-ci ildə şöbə müdiri vəzifəsini saxlamaqla, həm də prezidentin ictimai-siyasi məsələlər üzrə köməkçisi təyin olunub. 2019-cu ilin noyabrında vəzifədən azad edilib. (bakupost.az)