DataLife Engine > Yazdırılabilir versiyon > “Azəriqaz” abonentlərə sayğacın dəyişdirilməsi barədə SMS göndərəcək

Antiinhisar və İstehlak Bazarına Nəzarət Dövlət Xidməti tərəfindən müəyyən olunmuş qaydalara əsasən məişət tipli qaz sayğaclarının dövri yoxlama müddəti 5 il təyin olunub.

“Azəriqaz” İstehsalat Birliyindən Qarabaginfo.az-a verilən məlumata görə, bu vaxt bitdikdən sonra artıq qeyd olunan sayğacların çıxarılması təmin olunmalıdır. “Azəriqaz” abonentlərin bu məsələ ilə bağlı narazılıqlarının aradan qaldırılması üçün daha bir yenilik tətbiq edib.

Məlumata görə, artıq hansısa ünvanda quraşdırılan qaz sayğacının dövri yoxlama müddəti bitibsə, yəni sayğacın dəyişmə vaxtı çatıbsa, Birlik tərəfindən abonentin mobil telefonuna SMS vasitəsilə bildiriş göndəriləcək.