Qonşu ölkələrdə koronavirusla bağlı vəziyyət necədir?

 

Koronavirus dünyada yayılmağa davam edir və Azərbaycan kimi qonşu ölkələr də COVİD-19-la mübarizəni davam etdirir.

Qarabaginfo.az xəbər verir ki, ötən sutka ərzində Rusiyada koronavirusa 20 914 yeni yoluxma halı aşkar olunub. Bununla yanaşı, Rusiyada son sutkada 799 nəfər koronavirusdan dünyasını dəyişib, 20 713 nəfər isə virusdan sağalıb.

Ümumilikdə isə pandemiya dövründə Rusiyada 172 909 nəfər dünyasını dəyişib, 5 939 037 nəfər isə sağalıb. Bununla yanaşı, pandemiya başlayandan bu günə qədər Rusiyada 6 663 473 yoluxma halı qeydə alınıb. 

Gürcüstanda koronavirus pandemiyası ilə bağlı vəziyyət gərgin olaraq qalır. Belə ki, ötən sutka qonşu ölkədə 5914 yeni yoluxma halı qeydə alınıb, 49 nəfər isə dünyasını dəyişib. Həmçinin, son 24 saat ərzində Gürcüstanda 3316 nəfər virusdan sağalıb. 

Pandemiya başlayandan bu günə qədər Gürcüstanda 496 376 yoluxma halı, 6532 ölüm və 432 506 sağalma faktı qeydə alınıb. 

Ermənistanda da vəziyyət digər ölkələrdən geri qalmır. Son sutka ərzində bu ölkədə 504 yeni yoluxma halı qeydə alınıb, 3 nəfər isə dünyasını dəyişib. Ümumilikdə pandemiya ərzində Ermənistanda 235 675 yoluxma halı, 4716 ölüm və 223 227 sağalma təyin edilib.