Yeni qatarlar bu gün xəttə BURAXILDI

Bu gün Rusiyanın “Metrovaqonmaş” müəssisəsinin istehsalı olan 4 yeni qatar xəttə buraxılıb.

 

Bu barədə Qarabaginfo.az-a “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirib.

 

Onun sözlərinə görə, sərnişin axını nəzərə alınaraq, yeni qatarlar “Həzi Aslanov” - “Dərnəgül” xəttinə buraxılıb.

 

Qurum rəsmisi deyib ki, yeni qatarlar istismar müddətini başa vuran qatarları əvəzləyib:

 

“Onların əvəzlədiyi qatarlar istismar müddəti bitən gün xətdən çıxarılır və utilizasiyaya cəlb olunur”.