“Azərbaycan və Ermənistan arasında barışığın əldə edilməsi və “Şərq tərəfdaşlığı”nın möhkəmləndirilməsi ilə bağlı növbəti addımlarla əlaqədar Azərbaycan rəhbərliyi ilə yaxşı danışıqlarımız oldu”.

 

Qarabaginfo.az xəbər verir ki, bunu Bakıda səfərdə olan Avropa İttifaqı nümayəndə heyətinin üzvü, Litvanın xarici işlər naziri Qabrielius Landsbergis deyib.

 

“Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrellin adından Aİ-nin Azərbaycanla daha sıx qarşlıqlı əlaqələr qurmaqda maraqlı olduğunu bildirdik”, - nazir əlavə edib.

Xatrırladaq ki, Avropa İttifaqının üç ölkəsinin - Avstriya, Litva və Rumıniyanın xarici işlər nazirləri Aleksandr Şallenberq, Qabrielius Landsbergis və Boqdan Auresku Cənubi Qafqaz turu çərçivəsində Bakıya gəliblər. Onlar Azərbaycanın xarici işlər naziri Ceyhun Bayramov və digər rəsmi şəxslərlə görüşüblər. Nazirlər Yerevan və Tbilisiyə də səfər edəcəklər.