İstanbulda PKK əməliyyatında 7 nəfər saxlanıldı

 

İstanbulun 8 rayonunda həyata keçirilən PKK əməliyyatı nəticəsində 7 şübhəli saxlanılıb.

Qarabaginfo.az “Anadolu” agentliyinə istinadən xəbər verir ki, İstanbul Təhlükəsizlik Müdirliyi Terrorla Mübarizə Şöbə qruplarının terror təşkilatı PKK/KCK-nın fəaliyyətini deşifrə etmək səyləri çərçivəsində, əsasən Bahçelievler, Beyoğlu və Beykoz rayonları olmaqla 8 rayonda 11 ünvanda 12 şübhəlinin saxlanılması məqsədilə eyni vaxtda əməliyyat həyata keçirilib.

Xüsusi təyinatlı dəstələrin də qatıldığı əməliyyatda HDP Beyoğlu rayon rəhbəri Mehmet Sait Bor da daxil olmaqla 7 şübhəli saxlanılıb.

Şübhəlilərin ünvanlarında aparılan axtarışlar zamanı rəqəmsal materiallar və bir çox təşkilati sənəd aşkarlanaraq götürülüb.