Rusiya, Almaniya və Fransadan birgə Qarabağ AÇIQLAMASI

Rusiya, Fransa və Almaniya xarici işlər nazirləri Qarabağı müzakirə ediblər.

Qarabaginfo.az xəbər verir ki, Sergey Lavrov, Jan-İv Le Drian və Hayko Maas telefon danışığı zamanı Azərbaycan-Ermənistan sərhədində baş verənləri, Dağlıq Qarabağdakı situasiyanı və 10 noyabr 2020-ci il, 11 yanvar 2021-ci il üçtərəfli bəyanatlarının icrasını müzakirə ediblər.

 

Yekunda Berlin, Moskva və Paris atəşkəs rejiminə ciddi əməl olunmasını, siyasi mübahisələrin dipomatik yolla həll edilməsinin vacibliyini vurğulayıblar. Nazirlər ATƏT-in Minsk qrupunun Azərbaycanla Ermənistan arasında danışıqlarda vasitəçilik rolunu təsdiqləsələr də, Moskva yalnız Bakı və Yerevanın razılığı ilə hər hansı beynəlxalq təşkilatın prosesə qoşula biləcəyini vurğulayıb.(Modern.az)