Prezidentin xüsusi nümayəndəsi: “Ağdam şəhərinin böyük hissəsi minadan təmizlənib”

“Ağdam şəhəri üzrə minatəmizləmə işləri sürətlə və davamlı olaraq həyata keçirilir”.

Qarabaginfo.az xəbər verir ki, bunu Ağdam şəhəri daxil olmaqla Ağdam rayonunun işğaldan azad edilmiş hissəsində Azərbaycan Respublikası Prezidentinin xüsusi nümayəndəsi Emin Hüseynov deyib.

Xüsusi nümayəndə bildirib ki, şəhərin böyük hissəsi artıq minadan təmizlənib, hazırda bu işlər müntəzəm olaraq davam etdirilir.

Emin Hüseynov qeyd edib ki, minatəmizləmə işləri Ağdamın bərpası ilə bağlı aparılan işlərə mane olmayacaq.