Bayıl yamacının altında iki yeraltı çayın axdığı müəyyən edilib.

"Qarabaginfo" xəbər verir ki, Trend-in məlumatına görə, bu barədə Səbail Rayon İcra Hakimiyyətinin başçısı Eldar Əzizovun bu gün Bayılada sürüşmə zonasında və həmin ərazidən köçürülən sakinlərin yerləşdirildiyi 163 saylı orta məktəbdə sakinlərlə keçirdiyi görüşdə bildirilib.

Görüşdə qeyd olunub ki, ərazidə apaşdırma aparan mütəxəssislər həmin dağ yamacının altında iki yeraltı çayın axdığını müəyyən ediblər. Bu çaylarda suyun səviyyəsinin dəyişməsi, eləcə də yağıntıların səviyyəsinin artması sürüşməyə səbəb olan amillərdəndir.