Rusiya XİN: Ötən il Azərbaycanla strateji tərəfdaşlıq inkişaf edib

2020-ci ildə Azərbaycanla strateji tərəfdaşlıq ardıcıl olaraq inkişaf edib.

Qarabaginfo.az xəbər verir ki, bu barədə Rusiya Xarici İşlər Nazirliyinin 2020-ci il üçün xarici siyasət fəaliyyətinə dair icmalında bildirilib.

Bildirilib ki, aktiv təmaslar ən yüksək səviyyədə hökumət və parlament xətləri ilə davam edib: "İki ölkə arasında ticarət-iqtisadi əməkdaşlığın dayanıqlı dinamikası qorunub saxlanılıb. 2019-ci illə müqayisədə ticarət dövriyyəsi 8,9 faiz azalaraq 2,8 mlrd dollar təşkil edib. 2024-cü ilə qədər Rusiya-Azərbaycan əməkdaşlığının əsas sahələrinin inkişafı üzrə Fəaliyyət Planı -ticarət, turizm,nəqliyyat infrastrukturu və yüksək texnoloji sənaye sahələri üzrə altı “yol xəritəsi” həyata keçirilib.

Koronavirus problematikası üzrə də Azərbaycanla sıx əməkdaşlıq etmişik, pandemiya ilə mübarizədə yardım göstərdik. “Sputnik V” peyvəndinin birgə istehsalına başlamaq məsələsi nəzərdən keçirilib”, - deyə Rusiya XİN-in yaydığı icmalda qeyd olunub.