“Məcburi köçkün ora istirahətə gedəcəksə, niyə pul xərclənməlidir?” – Dövlət başçısı

“Kimsə bəlkə getmək istəmir? Nəyə görə biz buna pul xərcləməliyik?! Əgər məcburi köçkün həftəsonu istirahətə gedəcək, başqa vaxt Bakı və Sumqayıtda yaşayacaqsa, nəyə görə pul xərclənməlidir? Ona görə də mənim tapşırığımla məcburi köçkünlər arasında qayıdışla bağlı sorğu keçiririk”.

Qarabaginfo.az xəbər verir ki, bunu Prezident İlham Əliyev bu gün keçirilən mətbuat konfransında deyib. 

Dövlət başçısının sözlərinə görə, o halda pul xərclənəcək ki, daimi ora qayıdış olsun: “Ona görə biz sorğular həyata keçiririk. İşğaldan azad edilmiş ərazilər dəniz kənarında olan bir istirahət yeri olmamalıdır”.