140 illik Horadiz-Ağbənd dəmir yolu bərpa olunur - Video
19-02-2021, 12:07. Yazar: Admin
Fevralın 14-də Prezident İlham Əliyev Füzuli, Zəngilan, Laçın və Cəbrayıl rayonlarında olarkən Horadizdə Horadiz-Zəngilan-Ağbənd dəmir yolunun təməlini qoyub.
Qarabaginfo.az-ın məlumatına görə, dəmir yolunun böyük strateji əhəmiyyəti var. İlk növbədə ona görə ki, bu dəmir yolu azad edilmiş torpaqlara həm vətəndaşların gəlməsi, həm də yüklərin daşınması üçün böyük əhəmiyyətə malik olacaq. Digər tərəfdən, bu dəmir yolu Naxçıvana gedəcək.
Füzuli rayon İcra Hakimiyyətinin şöbə müdiri Bayram Niftəliyev jurnalistlərə dəmir yolunun əhəmiyyəti barədə məlumat verib.
Bildirilib ki, bu dəmir yolu xətti vasitəsi ilə vətəndaşlarımız işğaldan azad olunmuş ərazilərə rahat şəkildə gedib-gələ biləcəklər. (Trend)
Geri dön