Böyük Britaniya və Avropa ölkələri Ukraynada sülh əldə olunduqdan sonra Rusiya ilə qitənin təhlükəsizliyinə dair danışıqlar aparmağa hazırdır.
Qarabaginfo.az xəbər verir ki, bunu Böyük Britaniyanın Baş naziri Endi Börnhem Berlində keçirilən “İstəklilər koalisiyası”nın sammitinin yekunlarına dair mətbuat konfransında bildirib.
Onun sözlərinə görə, London müttəfiqləri ilə birlikdə Avropanın gələcək təhlükəsizlik arxitekturasını Moskva ilə müzakirə etməyə hazırdır.
Lakin Baş nazir bunun üçün ilkin şərtin Ukrayna ilə Rusiya arasında sülh razılaşmasının əldə olunması olduğunu vurğulayıb.
“Biz müttəfiqlərimizlə birlikdə Avropanın təhlükəsizliyi məsələləri üzrə ciddi müzakirələrə başlamağa hazırıq. Lakin bu, yalnız Ukrayna ilə Rusiya arasında sülh sazişi əldə olunduqdan sonra mümkündür”, – deyə Börnhem bildirib.