ABŞ 500 ədəd “PAC-3” raketinin Ukraynaya satışını təsdiqləyib
Dünən, 23:31. Yazar: Admin
ABŞ “Patriot PAC-3” zenit-raket kompleksləri üçün 500 raket və müvafiq avadanlıqların 2,1 milyard dollara Ukraynaya satışını təsdiqləyib.
Qarabaginfo.az xəbər verir ki, bu barədə ABŞ Dövlət Departamenti məlumat yayıb.
Məlumatda bildirilib ki, satınalma Kanada, Almaniya və Norveçin ayırdığı vəsait, eləcə də Avropa İttifaqının krediti hesabına tam maliyyələşdiriləcək. Sazişdə ABŞ vəsaitlərindən istifadə olunmayacaq.
Raketləri Ukraynaya “Lockheed Martin” şirkəti tədarük edəcək. ABŞ administrasiyası qərar barədə Konqresi məlumatlandırıb.
Qeyd edək ki, Konqresin sazişi nəzərdən keçirmək və mümkün bloklamaq üçün 30 günü var.
Geri dön