Paşinyan TRIPP-in icrasının praktiki mərhələyə qədəm qoyduğunu bildirib

Ermənistanın Baş naziri Nikol Paşinyan ölkənin iqtisadi dayanıqlığının artırılması baxımından regional kommunikasiyaların mümkün qədər tez açılmasının vacib olduğunu bildirib.

“Armenpress” xəbər verir ki, Baş nazir bunu hökumətin iclasında deyib.

Baş nazir, həmçinin, Ermənistan və ABŞ arasında TRIPP layihəsi üzrə imzalanmış sazişin ratifikasiya prosesinin parlamentdə başladığını xatırladıb.

Paşinyan əlavə edib ki, TRIPP layihəsinin həyata keçirilməsi praktiki mərhələyə qədəm qoyur.