Aqil Qurbanov “ADEX-2026” sərgisində bir sıra görüşlər keçirib - FOTO
Bu gün, 21:46. Yazar: Admin
Azərbaycan müdafiə nazirinin müavini – Baş direktor Aqil Qurbanov “ADEX-2026” 6-cı Azərbaycan Beynəlxalq Müdafiə Sərgisi çərçivəsində bir sıra görüşlər keçirib.
Qarabaginfo.az xəbər verir ki, bu barədə Azərbaycan Müdafiə Nazirliyi məlumat yayıb.
Bildirilib ki, Aqil Qurbanov oktyabrın 1-də Türkiyə Silahlı Qüvvələrinin Baş Qərargah rəisi ordu generalı Selçuk Bayraktaroğlu, Hərbi Dəniz Qüvvələri komandanı ordu admiralı Ercüment Tatlıoğlu, Quru Qoşunları komandanı ordu generalı Metin Tokel və Hərbi Hava Qüvvələri komandanı ordu generalı Rafet Dalkıran ilə birlikdə “ADEX-2026” sərgisində iştirak edib.
Qonaqlar Türkiyənin müdafiə sənayesi şirkətlərinə məxsus stendləri ziyarət edib, nümayiş etdirilən silah, texnika, aviasiya və uçuş vasitələri ilə tanış olublar.
Sərgi çərçivəsində Aqil Qurbanov Azərbaycanda səfərdə olan Latviya Milli Silahlı Qüvvələrinin Birləşmiş Qərargah rəisi general-mayor Andis Dilans ilə də görüşüb.
Görüşdə “ADEX-2026” sərgisinin müdafiə sənayesi sahəsində yeni əməkdaşlıq imkanlarının yaradılması, qabaqcıl texnologiya və innovativ həllərin müzakirəsi, həmçinin qarşılıqlı əlaqələrin inkişaf etdirilməsi baxımından əhəmiyyəti qeyd olunub.
Tərəflər Azərbaycanla Latviya arasında müdafiə sənayesi və təhlükəsizlik sahəsində əməkdaşlığın inkişaf perspektivlərini müzakirə edib, qarşılıqlı maraq doğuran məsələlər ətrafında fikir mübadiləsi aparıblar.
Geri dön