FTB-nin direktor müavini istefa verdiyini açıqlayıb
Bu gün, 20:42. Yazar: Admin
ABŞ Federal Təhqiqatlar Bürosunun (FTB) direktor müavini Endryu Beyli istefa verdiyini açıqladı.
Qarabaginfo.az xəbər verir ki, bu barədə o öz “X” hesabında məlumat verib.
"Nailiyyətlərimizdən böyük qürur hissi ilə istefa verdiyimi və Missuridəki ailəmin yanına qayıtdığımı elan edirəm", - o yazıb.
Qeyd edək ki, Beyli əvvəllər Missuri Baş prokuroru vəzifəsində çalışıb.
Beyli o cümlədən Federal Təhqiqatlar Bürosunun (FTB) direktoru Keş Patelin FTB-də islahatları davam etdirəcəyinə, zorakı cinayətkarlıqla mübarizə aparacağına, ölkəni qoruyacağına, güclü hesabatlılığı təmin edəcəyinə və quruma ictimai etimadın bərpa ediləcəyinə əminliyini bildirib.
Geri dön