DataLife Engine > Yazdırılabilir versiyon > İsrail HAMAS-ın Xan-Yunisdəki hərbi qanadının komandirini öldürüb

İsrail Müdafiə Ordusu (IDF) Qəzza zolağının cənubuna endirdiyi zərbə nəticəsində radikal HAMAS hərəkatının Xan-Yunis bölgəsindəki hərbi qanadının komandiri İsmayıl İbrahim Barimi öldürüb.

Qarabaginfo.az xəbər verir ki, bu barədə İsrail Müdafiə Ordusunun mətbuat xidməti məlumat yayıb.

Məlumata görə, öldürülən şəxs Qəzza zolağının cənubundakı tuneldə üç israilli girovun qaçırılması və saxlanılmasında iştirak edib.

“Zərbə təhlükənin aradan qaldırılması məqsədilə endirilib”, – deyə hərbi qurumdan bildirilib.

İsrail Müdafiə Ordusu “birbaşa təhlükənin aradan qaldırılması məqsədilə fəaliyyətini davam etdirəcəyini” açıqlayıb.