Almaniya XİN rəhbəri: Aİ İsrailə qarşı yeni sanksiyalar tətbiq edə bilər
Dünən, 22:05. Yazar: Admin
Avropa İttifaqı (Aİ) İsrailə qarşı yeni sanksiyaların tətbiqini müzakirə edə bilər.
Qarabaginfo.az xəbər verir ki, bunu Almaniyanın xarici işlər naziri Yohann Vadeful “Neue Berliner Redaktionsgesellschaft” media qrupuna müsahibəsində bildirib.
Nazir İsrailin milli təhlükəsizlik naziri İtamar Ben-Qvirin Qəzza sakinlərinin öldürülməsi ilə bağlı açıqlamalarından sonra yeni sanksiyaların mümkünlüyünü istisna etməyib.
“Aİ artıq israilli məskunlaşma təşkilatlarına qarşı sanksiyalar tətbiq edib. Biz bunu dəstəkləyirik. Bu səviyyədə yeni tədbirləri, xüsusilə nazir Ben-Qvirlə bağlı tədbirləri müzakirə edəcəyik”, – Vadeful bildirib.
Bundan əvvəl Ben-Qvir iki ildən artıq Qəzza sektorunda girov saxlanılmış Rom Braslavski ilə müsahibəsində İsrailin hər gecə Qəzzada 30-40 nəfəri öldürməli olduğunu söyləyib.
Geri dön