DataLife Engine > Yazdırılabilir versiyon > Seutada miqrant böhranı dərinləşir: 18 nəfər ölüb, son sutkada 49 min nəfər sərhədi keçib

İspaniyanın Şimali Afrikadakı Seuta eksklavında miqrant böhranı ağır nəticələrə gətirib, sərhədi kütləvi şəkildə keçmək cəhdləri nəticəsində azı 18 nəfər ölüb.

“Associated Press“in məlumatına görə, ölənlərin bir hissəsi dənizdə boğulub, digərləri isə çimərlikdə yaranan izdiham zamanı həyatını itirib.

İspaniya Daxili İşlər Nazirliyi son 24 saat ərzində təxminən 49 min miqrantın Mərakeşdən Seutaya quru və dəniz yolu ilə keçdiyini açıqlayıb.

Kütləvi miqrasiya axını səbəbindən qəbul mərkəzləri dolub, minlərlə insan küçələrdə və parklarda gecələyir, şəhər sakinlərinin evləri zəbt edilir.

İspaniya hökuməti əlavə polis və hərbi qüvvələri bölgəyə göndərib, Baş nazir Pedro Sançesin isə Seutaya səfər edəcəyi gözlənilir.