Uitkoff və Kuşner Ukraynaya səfər edəcək

ABŞ prezidenti Donald Trampın xüsusi nümayəndəsi Stiv Uitkoff və Cared Kuşner tezliklə Ukraynaya səfər edəcəklər.

Qarabaginfo.az xəbər verir ki, bu barədə Tramp “Financial Times” qəzetinə müsahibəsi zamanı danışıb.

"Tramp FT-yə diqqətinin Rusiya ilə Ukrayna arasındakı müharibəyə son qoymaq olduğunu bildirib və əlavə edib ki, elçiləri Cared Kuşner və Stiv Uitkoff yaxın günlərdə ilk dəfə Ukraynaya səfər edəcəklər", - məlumatda deyilir.

"Sadəcə desək, biz Ukrayna ilə Rusiya arasındakı müharibənin bitməsini istəyirik. Biz raketlərlə deyil, sülhlə maraqlanırıq", - Tramp deyib.