Prezident İlham Əliyev Donald Trampa təşəkkür edib
Dünən, 22:12. Yazar: Admin
Prezident İlham Əliyev ABŞ Prezidenti Donald Trampa Şuşa Qlobal Media Forumunda səsləndirdiyi fikirləri paylaşdığı üçün təşəkkür edib.
Qarabaginfo.az xəbər verir ki, bu barədə Azərbaycan Prezidentinin sosial media hesablarında paylaşım edilib.
Prezident İlham Əliyev ABŞ Prezidenti Donald Trampın Azərbaycan və Ermənistan arasında sülh prosesində oynadığı rolu yüksək qiymətləndirib.
“Cənab Prezident, Şuşa Qlobal Media Forumunda səsləndirdiyim və “Breitbart”ın istinad etdiyi çıxışımı paylaşdığınıza görə Sizə təşəkkür edirəm. Həmin çıxışımda Sizi “Sülh adamı” adlandırmışdım”, – Prezident qeyd edib.
Prezident İlham Əliyev xatırladıb ki, Vaşinqtonda keçirilmiş tarixi sammitin birinci ildönümünə bir aydan az vaxt qalır və bu münasibətlə Donald Trampa bir daha minnətdarlığını ifadə edib.
“Azərbaycan və Ermənistan arasında davamlı sülhün əldə olunması istiqamətində əvəzsiz rolunuza görə Sizə bir daha səmimi minnətdarlığımı bildirmək istəyirəm. Sizin liderliyiniz regionumuzun sülhə, sabitliyə və rifaha daha da yaxınlaşmasına tarixi töhfə verib", – paylaşımda vurğulanıb.
Qeyd edək ki, Donald Tramp daha əvvəl “Truth Social” sosial şəbəkəsində Prezident İlham Əliyevin Şuşa Qlobal Media Forumunda onun ünvanına səsləndirdiyi fikirlərin yer aldığı “Breitbart” nəşrinin məqaləsini paylaşıb.
Geri dön