Zəka Mirzəyev: Aylıq sosial ödənişlərin həcmi 900 milyon manata çatır
15-07-2026, 20:45. Yazar: Admin
"Aylıq əsasda 2 milyon 200 min vətəndaşa sosial ödəniş həyata keçirilir. Bu təxminən aylıq 900 milyon manat vəsait edir".
Bunu Qarabaginfo.az-a müsahibəsində Dövlət Sosial Müdafiə Fondunun sədri Zəka Mirzəyev deyib.
O bildirib ki, bu vəsaitin 74 faizi əmək pensiyaları, qalanları sosial müavinətlər, ünvanlı dövlət sosial yardımdır: "Ünvanlı dövlət sosial yardım bizim sosial ödənişlər hissəsində aztəminatlı ailələr üçün dövlət proqramı çərçivəsində həyata keçirdiyimiz sosial ödəniş növüdür".
DSMF sədri qeyd edib ki, bu il üçün 465 milyon, aylıq 35 milyon manat vəsaitin ödənilməsi nəzərdə tutulub: "76 min ailəyə, 350 mindən yuxarı ailə üzvünə ünvanlı dövlət sosial yardım həyata keçiririk".
Geri dön