Belqorodda avtomobildə partlayış olub, 1 nəfər ölüb, 3 nəfər yaralanıb

Rusiyanın Belqorod vilayətində minik avtomobilində qurulan partlayıcı partlayıb.

Yerli medianın məlumatına görə, nəticədə bir mülki şəxs həlak olub, daha üç nəfər müxtəlif dərəcəli xəsarətlər alıb.

Vilayətin operativ qərargahının məlumatına görə, partlayış zamanı aldığı ağır xəsarətlər səbəbindən bir kişi hadisə yerində həyatını itirib. Yaralanan üç nəfərə tibbi yardım göstərilir.

Hadisənin başvermə şəraiti və partlayıcı qurğunun mənşəyi ilə bağlı araşdırma aparılır.