Andrey Babiş: Çexiya bu il müdafiə xərclərində NATO hədəfinə çata bilməyəcək
8-07-2026, 13:13. Yazar: Admin
"Çexiya bu il müdafiə xərclərində NATO hədəfinə çata bilməyəcək".
Qarabaginfo.az xəbər verir ki, bu barədə Çexiyanın Baş naziri Andrey Babiş 36-cı NATO liderlər zirvəsi çərçivəsində jurnalistlərə açıqlamasında məlumat verib. O bildirib ki, ölkə bu il müdafiə xərclərini ÜDM-in 2 faizi səviyyəsinə çatdırmaq öhdəliyini yerinə yetirə bilməyəcək.
Baş nazirin sözlərinə görə, bunun əsas səbəbi əvvəlki hökumətdən 90 milyard Çex kronu həcmində büdcə kəsiri ilə dövlət büdcəsinin təhvil alınmasıdır.
“Mən hesab edirəm ki, bu il 2 faizlik göstəriciyə çata bilməyəcəyik”, – Baş nazir Andrey Babiş jurnalistlərə bildirib.
Qeyd edək ki, Çexiya hazırda NATO çərçivəsində müdafiəyə ən az vəsait ayıran üç ölkədən biridir. Digər iki ölkə isə Albaniya və Sloveniyadır.
Geri dön