Britaniya dron istehsalına 6,5 ​​milyard dollardan çox investisiya yatıracaq

Böyük Britaniya hökuməti növbəti dörd il ərzində ölkənin silahlı qüvvələri üçün pilotsuz uçuş aparatlarının istehsalına 5 milyard funt sterlinqdən (6,6 milyard dollar) çox investisiya yatıracaq.

Qarabaginfo.az xəbər verir ki, bu barədə Böyük Britaniya Müdafiə Nazirliyi məlumat verib.

Böyük Britaniya silahlı qüvvələrinin PUA transformasiyası üçün maliyyələşdirmə, hökumət tərəfindən 30 iyunda dərc ediləcək Müdafiə İnvestisiya Planına daxil ediləcək.

İnvestisiya Britaniya Ordusu, Kral Hərbi Hava Qüvvələri və Kral Dəniz Qüvvələri üçün pilotsuz sistemlərin inkişafına yönəldiləcək.

"Müharibənin təbiəti sürətlə dəyişir. Pilotsuz sistemlər Ukrayna və Yaxın Şərqdəki münaqişələr üçün çox vacibdir. Böyük Britaniyanın bu inkişaf etməkdə olan texnologiyalara indiyə qədər etdiyi ən böyük investisiya silahlı qüvvələrimizin rəqiblərimizdən öndə olmasına və müdafiə sektorumuzdakı ən yaxşı şirkətləri dəstəkləməsinə kömək edəcək", - Böyük Britaniyanın müdafiə naziri Den Carvis bildirib.