DataLife Engine > Yazdırılabilir versiyon > İsrail ordusunun Baş Qərargah rəisi: Livanla tarixi razılaşma hərbi uğurlar sayəsində mümkün olub

İsrail ordusunun Baş Qərargah rəisi, general-leytenant Eyal Zamir İsrail ilə Livan arasında əldə olunan razılaşmanı "tarixi və mühüm" adlandırıb.

The Times of Israel xəbər verir ki, onun sözlərinə görə, bu razılaşma İsrail ordusunun son aylarda əldə etdiyi hərbi uğurlar nəticəsində mümkün olub. Zamir bildirib ki, məhz hərbi nailiyyətlər siyasi rəhbərliyə diplomatik razılaşma əldə etmək üçün şərait yaradıb.

Baş Qərargah rəisi onu da vurğulayıb ki, İsrail ordusu əldə olunan təhlükəsizlik üstünlüyünü qorumaqda davam edəcək və zərurət yarandığı halda fəaliyyətini davam etdirməyə hazırdır.

O qeyd edib ki, hərbçilər ölkənin təhlükəsizliyini təmin etmək məqsədilə bütün istiqamətlərdə yüksək hazırlıq vəziyyətində qalırlar.