DataLife Engine > Yazdırılabilir versiyon > Livan İsrail və ABŞ ilə ölkənin cənubundakı "pilot zonaların" sərhədlərini müzakirə edir

ABŞ, Livan və İsraildən olan hərbi nümayəndə heyətləri Vaşinqtonda keçirilən danışıqlarda hazırda İsrail işğalı altında olan Livanın cənubundakı "pilot zonaların" coğrafi sərhədlərini müzakirə edirlər.

Qarabaginfo.az xəbər verir ki, Livan prezidentinin ofisinin “X” hesabında məlumat verilib.

"Vaşinqtonda davam edən beşinci danışıqlar raundu çərçivəsində çərşənbə günü hərbi nümayəndə heyətlərinin üçtərəfli görüşü keçirilib. Görüşdə İsrail qoşunlarının geri çəkilməsindən sonra Livan ordusunun nəzarətinə veriləcək "pilot zonalarının" yaradılması istiqamətində irəliləyiş əldə edilib", - məlumatda deyilir.

Məlumata görə, heyətlər zonaların coğrafi sərhədlərini və əldə edilən razılaşmaların həyata keçirilməsi mexanizmini müzakirə edirlər.