Heqset NATO-dan olan həmkarları ilə ittifaqa töhfələrinin artırılmasını müzakirə edəcək

Pentaqon rəhbəri Pit Heqset 18 iyunda Brüsseldə keçiriləcək NATO müdafiə nazirlərinin görüşündə Avropa müttəfiqlərinin quruma töhfələrinin artırılmasını müzakirə etmək niyyətindədir.

Qarabaginfo.az xəbər verir ki, bu barədə Pentaqonun mətbuat xidməti məlumat verib.

Sənəddə Heqsetin çərşənbə günü görüşdə iştirak etmək üçün Brüsselə səfər edəcəyi qeyd olunur.

"Nazir NATO müttəfiqlərinin müdafiə xərclərini ÜDM-nin 5%-nə qədər artırmaqla, hərbi-sənaye kompleksini gücləndirməklə və döyüşə hazır qüvvələr yerləşdirməklə Avropa qitəsində qeyri-nüvə təhlükəsizliyi üçün əsas məsuliyyəti öz üzərinə götürməsinin təcili ehtiyacına diqqət yetirəcək", - məlumatda deyilir.