DataLife Engine > Yazdırılabilir versiyon > İran ABŞ-la razılaşma mətninin hazır olması barədə məlumatları təkzib edib

İran ABŞ-la münaqişənin nizamlanmasına dair sazişin mətnini hələ təsdiqləməyib.

Bu barədə "Fars" agentliyi İranın danışıqlar qrupuna yaxın mənbəyə istinadən məlumat yayıb.

Məlumat "New York Post" qəzetinin Tehranın saziş layihəsi üzərində işi başa çatdıraraq sənədi Qətərə, oradan isə Vaşinqtona göndərdiyi barədə xəbərindən sonra verilib.

Mənbənin sözlərinə görə, razılaşmanın mətninin hazır olması və İran tərəfindən təsdiqlənməsi barədə məlumatlar həqiqəti əks etdirmir.

Qeyd edək ki, bundan əvvəl ABŞ Prezidenti Donald Tramp Vaşinqton və Tehran arasında sülh sazişi ilə bağlı ilkin razılığın əldə olunduğunu bildirmişdi.