Finlandiya immiqrantlar üçün işsizlik müavinətlərini azaltmağı planlaşdırır
6-06-2026, 09:45. Yazar: Admin
Finlandiya hökuməti immiqrantlar üçün işsizlik müavinətlərinin 10 faiz azaldılmasını nəzərdə tutan qanun layihəsi təqdim edib.
"Yle" telekanalının məlumatına görə, ölkədə üç ildən az yaşayan immiqrantlar aylıq təxminən 77 avro daha az müavinət alacaqlar.
Layihəyə əsasən, onlar gündəlik 33,64 avro, aylıq isə təxminən 723 avro məbləğində müavinət əldə edəcəklər. Hazırda bu göstərici təxminən 800 avrodur.
Hökumət bu addımın inteqrasiyanı sürətləndirmək məqsədi daşıdığını bildirir.
Bununla yanaşı, hesablamalara görə, yeni qaydalar dövlət büdcəsinə qənaət əvəzinə əlavə maliyyə yükü yarada bilər. Çünki immiqrantların dil kurslarına və məşğulluq proqramlarına çıxışı genişlənəcək.
Geri dön