Seçkilərdən sonra Moskvaya gedəcək
Bu gün, 16:45. Yazar: Admin
“İyunun 7-nə planlaşdırılan parlament seçkilərindən sonra Moskvaya səfər etməyi və Rusiya Prezidenti Vladimir Putinlə görüşməyi planlaşdırıram”.
Qarabaginfo.az “Sputnik Ermənistan”a istinadən xəbər verir ki, bu barədə Ermənistan Baş naziri Nikol Paşinyan təşviqat kampaniyası çərçivəsində çıxışı zamanı bildirib.
“Rusiya prezidenti iyunun 1-də məni ad günüm münasibətilə təbrik etmək üçün zəng etdi. Lakin aydındır ki, təbrikdən əlavə biz həmçinin işgüzar söhbət apardıq. Biz razılaşdıq ki, seçkilərdən sonra mən yenidən ora səfər edəcəyəm və görüş keçirəcəyik. O zaman biz bütün cari məsələləri həll edəcəyik”, - Paşinyan deyib.
O, Rusiya ilə münasibətlərdəki bütün mübahisəli məsələlərin həll ediləcəyinə əmin olduğunu da bildirib.
Geri dön