Nyu-Yorkda müsəlman şurasının təsisçisi “İsrailə dəstək” paradına qatılır

Amerika müsəlman qadınları şurasının rəhbəri, Pakistan əsilli Anila Ali təhdidlərə baxmayaraq bu gün Nyu-Yorkda keçiriləcək İsrailə dəstək paradında iştirak edəcəyini bildirib. O, tədbirdə yürüş edəcək ilk müsəlman qrupuna rəhbərlik edəcəyini açıqlayıb.

Anila Ali “New York Post” qəzetinə açıqlamasında “məni heç nə dayandıra bilməz” deyib. O bildirib ki, ona gülləkeçirməz jilet geyinməsi ilə bağlı anonim zənglər daxil olub.

“Bir qədər narahatıq, çünki kimsə zəng edərək gülləkeçirməz jilet geyinməyimizi dedi. Amma biz öz məqsədlərimiz üçün mübarizə aparırıq və bu, hər bir amerikalının qoşulmalı olduğu mübarizədir”, - deyə o bildirib.

Şurasının təsisçisi qeyd edib ki, ABŞ-da antisemitizmin artdığı bir dövrdə yəhudi icmasına dəstək vermək üçün əlindən gələni edəcək.

“Mən indi Amerikada antisemitizmin pik həddində yəhudi qardaş və bacılarım üçün danışıram”, - deyə o vurğulayıb və yürüşə müsəlman icmasının bir neçə onlarla üzvünün qatılacağına ümid etdiyini bildirib.

Ötən həftə demokrat sosialist şəhər şurasının üzvü Şahana Hanif X platformasında paylaşım edərək, Anila Ali və başqa bir təşkilatçının Nyu-York meri Zohran Mamdani əleyhinə keçirilən etiraza qoşulduqları üçün “cəhənnəmə məhkum edilmələrini” arzuladığını yazıb.

Məlumata görə, Zohran Mamdani son 60 ildən çox müddətdə bu parada qatılmayan ilk Nyu-York meri olacaq.