Zelenski Ukraynanın vacib danışıqlara hazırlaşdığını bəyan edib

Ukrayna Prezidenti Volodimir Zelenski mühüm danışıqlara hazırlıq aparıldığını bəyan edib.

Qarabaginfo.az xəbər verir ki, Zelenski bu barədə “Telegram” hesabında paylaşım edib.

Onun sözlərinə görə, keçirilən xüsusi müşavirədə qarşıdakı vacib danışıqlara hazırlıq məsələləri müzakirə olunub. Prezident danışıqların məzmunu barədə ətraflı məlumat verməyib.

Müşavirədə Prezident Ofisinin rəhbəri Andrey Yermak, müdafiə və təhlükəsizlik sahəsinin yüksək vəzifəli rəsmiləri də iştirak ediblər.