“İrəvan Avropa İttifaqına (Aİ) üzvlük kursunu davam etdirərsə, Rusiya qaz və neft məhsullarının tədarükünə dair sazişi dayandırmağa və ya birtərəfli qaydada ləğv etməyə hazırdır”​. 

Qarabaginfo.az “RİA Novosti”yə istinadən xəbər verir ki, bu xəbərdarlıqla Rusiyanın Xarici İşlər Nazirliyinin (XİN) rəsmi nümayəndəsi Mariya Zaxarova çıxış edib. 

“27 may tarixində Rusiyanın İrəvandakı səfirliyi Ermənistan tərəfinə energetika naziri Sergey Sivilyevin respublikanın Ərazi İdarəetmə və İnfrastruktur Nazirliyinə ünvanlanmış məktubunu təqdim edib. Sənəddə Moskvanın enerji daşıyıcıları və almaz xammalının tədarükü sahəsində əməkdaşlığa dair 2 dekabr 2013-cü il tarixli hökumətlərarası sazişi yenidən nəzərdən keçirmək niyyəti qeyd olunub”, - o bildirib.