DataLife Engine > Yazdırılabilir versiyon > İsrail "Sumud" donanmasının bütün fəallarının saxlanıldığını açıqlayıb

İsrail hökuməti Qəzza zolağı sahillərinə gedən "Sumud" donanmasının bütün gəmilərinin ələ keçirildiyini, ümumilikdə 430 Fələstin tərəfdarı fəalın saxlanıldığını açıqlayıb.

Qarabaginfo.az xəbər verir ki, bu barədə İsrail Xarici İşlər Nazirliyinin saytında dərc olunmuş açıqlamada məlumat verilib.

"Daha bir piar donanması fəaliyyətini dayandırdı. Bütün 430 fəal İsrail gəmilərinə köçürülüb və İsrailə gedirlər. Orada konsulluq nümayəndələri ilə görüşə biləcəklər", - açıqlamada deyilir.

XİN İsrailin beynəlxalq hüquqa tam uyğun olaraq hərəkət etməyə davam edəcəyini və Qəzza zolağının qanuni dəniz blokadasının pozulmasına icazə verməyəcəyini iddia edib.