Britaniya Ukraynaya HHM sistemlərinin göndərilməsini sürətləndirəcək

Böyük Britaniya Rusiyanın son genişmiqyaslı hücumundan sonra Ukraynaya vəd edilən hava hücumundan müdafiə sistemlərinin çatdırılmasını sürətləndirəcək.

Qarabaginfo.az xəbər verir ki, bu barədə Böyük Britaniyanın müdafiə naziri Con Hili bildirib.

Nazir Rusiyanın son sutkada Ukraynaya qarşı həyata keçirdiyi pilotsuz uçuş aparatları hücumlarını “şokedici” adlandırıb.

Con Hili qeyd edib ki, Ukraynaya HHM və antidron sistemlərinin mümkün qədər tez göndərilməsi üçün göstəriş verib. O vurğulayıb ki, Böyük Britaniya Ukraynaya dəstəyini davam etdirəcək.