Ukrayna dronları yenidən Tuapsedə neft emalı zavoduna zərbə endirib

Ukrayna ordusunun dronları Rusiyanın Krasnodar diyarının Tuapse şəhərinə yenidən zərbə endirib.

“Lenta.ru”nun xəbərinə görə, dron qalıqlarının düşməsi nəticəsində yerli neft emalı zavodunda yanğın baş verib.

Yanğını söndürmək mümkün olmayıb.

Məlumata görə, hadisə nəticəsində xəsarət alan olmayıb.

Bildirilir ki, yanğının söndürülməsinə 122 nəfər şəxsi heyət və 39 texnika cəlb olunub. Əməliyyatda Rusiya Fövqəladə Hallar Nazirliyinin Krasnodar diyarı üzrə Baş İdarəsinin qüvvələri də iştirak edir.

Qeyd edək ki, eyni zavod bir neçə gün əvvəl də dron hücumuna məruz qalıb.